Холдинг жаңалықтары

«Бәйтерек» ұлттық басқарушы холдингі Оңтүстік Қазақстан облысының Кәсіпкерлері өңірлік палатасының қолдауымен ОҚО бизнес өкілдерін шақырумен «Холдинг және халықаралық қаржы ұйымдарының бизнесті, даму институттарын қолдау құралдары» атты дөңгелек стол ұйымдастырды. Бұл шара облыстағы бизнес қоғамдастығын «Бәйтерек» холдингі компанияларының топтарын мемлекеттік қолдау, сондай-ақ өңірде жаңа бизнес бастамалар іздестіру шаралары туралы ақпараттандыру мақсатында ұйымдастырылған.

Дөңгелек стол шеңберінде «Бәйтерек» холдингі еншілес ұйымдарының басшылары мен халықаралық қаржы ұйымдарының өкілдері кәсіпкерлерді қолдаудың басты құралдары мен шаралары туралы таныстыру өткізді. ОҚО кәсіпкерлері «Kazakhstan Project Preparation Fund» компаниясының («Бәйтерек» холдингісінің еншілес ұйымы) инвестициялық жобаларын кешенді қолдау туралы, тікелей инвестициялар қорлары тарапынан іскерлік қаржыландыру мүмкіндіктері, «Нұрлы жер» тұрғын үй құрылыс бағдарламасы шеңберінде тұрғын үй құрылысын қолдау құралдары туралы, сондай-ақ Қазақстанның даму банкі («Бәйтерек» холдингісінің еншілес ұйымы) тарапынан ірі бизнесті қаржылық қолдаудың негізгі бағыттары және «Даму» қорының («Бәйтерек» холдингісінің еншілес ұйымы) шағын және орта бизнесті қолдау құралдары туралы ақпараттандырылды.





Бүгін Үкімет отырысында 2017 жылдың 9 айына «Нұрлы жер» тұрғын үй құрылыс бағдарламасын іске асыру қорытындылары қаралды. «Бәйтерек» холдингі бағдарламаның бес негізгі бағытының төртеуін іске асыруда.

«Бәйтерек» ҰБХ» АҚ Басқармасы төрағасының міндетін атқарушы Айдар Әріпхановтың айтуынша, барлық негізгі жоспарлы индикаторларына есептік кезеңде қол жеткізілген.

Жергілікті атқарушы органдардың облигацияларын сатып алу жоспары 28,8 млрд. теңге болғанда 53,2 млрд. теңге сомасына бағалы қағаздар сатып алынған.

«Үстіміздегі жылы «Бәйтерек» холдингі тұрғын үйді тікелей қаржыландырудан жергілікті атқарушы органдардың облигацияларын сатып алу, сондай-ақ қаражатты екінші деңгейдегі банктерге шартсыз орналастыру арқылы қаржыландыруға көшті», – деді Айдар Әріпханов.

«Нұрлы жер» тұрғын үй құрылыс бағдарламасы шеңберінде «Бәйтерек» холдингісінің еншілес ұйымы «Қазақстанның тұрғын үй құрылыс жинақ банкі» АҚ ағымдағы жылғы 9 айда 195 млрд. теңге жалпы сомасына 29 мың қарыз берген, бұл жылдық жоспарды 14 млрд. теңгеге арттырып отыр.

Тұрғын үй құрылысын іске асыру бағыты бойынша бұған дейін қабылданған бағдарламалар шеңберінде «Бәйтерек девелопмент» АҚ 278 мың шаршы метр жалдауға және кредитке берілетін 4625 пәтерден тұратын тұрғын үйді тапсырды. Ағымдағы жылдың соңына дейін 111,5 мың шаршы метр қосымша тапсырылатын болады.

«Қазақстанның ипотекалық компаниясы» АҚ жалдамалы тұрғын үй салу желісі бойынша пайдалануға 159 мың шаршы метр немесе 2 811 пәтер тапсырған. Ипотека бойынша сыйақы мөлшерлемесін субсидиялау шеңберінде Қазақстанның ипотекалық компаниясына 7 млрд. теңге сомасына 700 өтініш келіп түсіп, олардың ішінде 6,6 млрд. теңге сомасына 650 қарызды субсидиялау мақұлданған. 2017 жылы 15 млрд. теңге сомасына 1 мың қарыз субсидия беру жоспарлануда, ал 2018 жылы – 105 млрд. теңге сомасына 7 мың қарыз.

Жеке құрылыс салушылардың кредиттері бойынша сыйақы мөлшерлемелерін субсидиялау бағыты бойынша «Даму» кәсіпкерлікті дамыту қоры» АҚ 16,4 млрд теңге жалпы кредит сомасына жобаларды субсидияландыруды мақұлдаған. Есептік кезеңде жеке құрылыс салушылар екінші деңгейдегі банктерге 39,5 млрд. теңге жалпы сомасына 32 жобаны кредит беруге ұсынды.

«Нұрлы жер» тұрғын үй құрылыс бағдарламасы Қазақстан Республикасы Үкіметінің 2016 жылғы 31 желтоқсандағы қаулысымен бекітілген. Ол тұрғын үй құрылысын қолдаудың жаңа және бұған дейін 2015 – 2019 жылдарға арналған «Нұрлы жол» инфрақұрылымды дамытудың мемлекеттік бағдарламасы, Өңірлерді дамытудың 2020 жылға дейінгі бағдарламасы сияқты мемлекеттік және салалық бағдарламаларына әрекет еткен тетіктерін біріктірген.





Алғаш рет Түркия, Қытай, Оңтүстік Корея, Германия және Ресейден 70-ке жуық өкіл қатысқан «Taldykorgan Invest – 2017» халықаралық форумы болып өтті. Форумды Талдықорған қаласының әкімдігі және облыстық Кәсіпкерлер палатасы ұйымдастырды. Халықаралық форумның мақсаты – қаланың инвестициялық мүмкіндіктерін және жаңа экономикалық жағдайларда одан әрі даму перспективаларын таныстыру.

Форум басталар алдында халықаралық және республикалық қаржы ұйымдарының, «Қазақстанның даму банкі» АҚ, «Даму» кәсіпкерлікті дамыту қоры» АҚ және «Тұрғын үй құрылыс жинақ банкі» АҚ-ні («Бәйтерек» холдингісінің еншілес ұйымдары) қоса алғанда, даму институттарының қаржылық өнімдерінің көрмесі өткізілді.

Форум шеңберінде облыс әкімінің орынбасары ЖеңісТұяқов, Талдықорған әкімі Бағдат Карасаев, «Alacard Petroltech» ЖШС президенті, Алматы қ. Өңірлік кеңес өкілі Ерлан Стамбеков, «Қазақстандық қор биржасы» АҚ Басқармасының мүшесі Қайрат Тұрмағамбетов және т.б. сөз сөйледі.

Форум екі сессияда өтті: «Талдықорғанның нақты секторына инвестиция тарту» және «Қаланың болашақта даму жоспары».

Форум алаңында  Холдинг пен еншілес ұйымдардың өкілдері бірнеше инвестициялық жобалардың бастамашыларымен келіссөздер өткізіп, онда уағдаластыққа қол жеткізіліп, одан әрі ынтымақтастық үшін қажетті қадамдар келісілді.

Талдықорғанда 26 мыңнан аса адам жұмыс істейтін шағын және орта бизнестің 10 мыңға жуық объектісі жұмыс істейді. 9 ай ішінде тауар, жұмыс және қызмет өндіру көлемі 41,2 млрд. теңгені құраған. Жыл басынан қалада 323 жұмыс орны ашылған 15 жаңа объект іске қосылды.





IV  WestKazInvest – 2017 Халықаралық инвестициялық форум шеңберінде “Бәйтерек ” Ұлттық басқарушы Холдингі” АҚ  БҚО жеке кәсіпкерлеріне «Даму институттарын қолдау құралдары» панельдік сессиясын ұйымдастырды. Сессия БҚО әкімшілігінің қолдауымен «Бәйтерек» Холдингі компаниялар тобы мемлекеттік қолдау шаралары  туралы бизнес-қауымды  ақпараттандыру   мен аймақта жаңа бизнес-белсенділерді іздеу мақсатында ұйымдастырылды.

Панелдік сессияда Холдингтің еншілес ұйымдары  қолдау құралдары тұсаукесерімен  қатысты.  БҚО жеке кәсіпкерлері «Қазақстанның Даму Банкі» АҚ («Бәйтерек» Холдингінің еншілес ұйымы) «Нұрлы жер» тұрғын үй құрылыс бағдарламасы шеңберінде тұрғын үй құрылысын қолдау құралдары, тура инвестициялау  қорларының тарапынан үлесті  қаржыландыру,   отандық экспортерлерді «ЭСК «KazakhExport»АҚ  («Бәйтерек» Холдингінің еншілес ұйымы)     тарапынан қолдау, ірі бизнесті қаржылай қолдаудың негізгі бағыттары туралы  ақпараттандырды.

«Kazakhstan Project Preparation Fund»ЖШС («Бәйтерек» Холдингінің еншілес ұйымы)  компанияның инвестициялық  жобаларын  кешенді сүйемелдеу туралы тұсаукесерлері аймақтың жеке кәсіпкерлерінде сонымен қатар, кіші және орта бизнесті қолдау құралдары ерекше қызығушылығын тудырды.

«Бәйтерек» Холдингінің  мемлекеттік-жеке серіктестік және жобалауды қаржыландыру департаментінің басшысы Азамат Ералин атап өткендей «бүгінгі күні  аймақтағы кәсіпкерлер мемлекеттік қолдау шараларын пайдалануды білмейді,Оралдағы панельдік сессияның өтуі  бизнес-қауымды «Бәйтерек» Холдингі» тобына кіретін даму институттарының қолдау құралдары туралы  ақпараттандырылды».





«Бәйтерек» ұлттық басқарушы холдингі» АҚ Директорлар кеңесі кезекті бетпе-бет отырысын өткізіп, оның барысында Директорлар кеңесі Қазақстан Республикасы Үкіметінің 2017 жылғы  3 тамыздағы № 467 қаулысының 1-тармағына сәйкес, Холдингтің Жалғыз акционерінің қарауына «KazakhExport» экспорттық сақтандыру компаниясы» АҚ-ны (бұған дейінгі – «ҚазЭкспортГарант» экспорттық-кредиттік сақтандыру корпорациясы» АҚ) бәсекелес ортаға тапсыруға жататын Холдингтің еншілес (қаржылық) ұйымдары тізбесінен алып тастау туралы мәселені шығару шешімі қабылданды.

Отырыс барысында Директорлар кеңесі сонымен қатар 2017 жылғы ІІ тоқсандағы Холдингтің тәуекел есебі мен Ішкі аудит қызметінің есебін бекітті.