Холдинг жаңалықтары

“Бәйтерек” холдингі құрылыс кезінде жасанды интеллект технологиясын енгізді

19.02.2020

“Бәйтерек девелопмент” АҚ (“Бәйтерек” холдингінің еншілес ұйымы) басқарма төрағасының орынбасары Алтай Күздібаев құрылыстың жаңа әдістерін, заманауи материалдар мен технологияларды қолдану, жаппай құрылыс салуды жоспарлау кезінде қағидатты түрде өзге де тәсілдер туралы айтып берді.

ҚР Президенті жанындағы Орталық коммуникациялар қызметінде өткен баспасөз мәслихатында сөйлеген сөзінде, ол 2018 жылдың 1 тамызынан бастап әкімдіктерден мемлекеттік бағдарлама нысандары бойынша ақпарат жинау бойынша онлайн-портал іске қосылып, “Нұрлы жер”Ахуалдық орталығы құрылғанын еске салды. Бұл орталық нақты уақыт режимінде объектілерді салу барысына, облигациялық қарыздарды игеруге, салынған тұрғын үйді іске асыруға мониторинг жүргізуге мүмкіндік береді.

2

– Ахуалдық орталықта нақты уақыт режимінде Жергілікті атқарушы органдарға бөлінген облигациялық қарыздар бойынша барлық ақпарат визуализацияланады. Яғни, Қазақстан картасында барлық аймақтарды қаржыландыру көлемін, облигацияларды игеру, өтеу серпінін, объект туралы толық ақпаратты көруге болады. Мұнда әрбір нысанның құрылыс барысын тікелей бақылауға болады (құрылыстың негізгі сегіз кезеңі бойынша), бейне/фото материалдармен танысуға, нысанның құрылысы нақты қандай кезеңде тұрғанын көруге, сондай – ақ салынған нысандардың сату қарқынын көруге болады, – деп хабарлады Алтай Күздібаев журналистерді.

Айта кету керек, ахуалдық орталық Бәйтерек девелопмент есепке алу жүйесімен, сондай-ақ тұрғын үй құрылыс жинақ банкі жүйесімен (Холдингтің еншілес компаниясы) біріктірілген. Бұл облигацияларды сатып алу, өтеу серпінін қадағалауға, ақша қозғалысының кестесін құруға, салымшылардың елдің аймақтары бөлінісінде жинақталу серпініне мониторинг жүргізуге мүмкіндік береді. Бұл ақпарат әкімдіктер арасында еркін қаржы ресурстарын тиімді бөлу жөнінде ұсыныстар әзірлеу үшін.

– Фото-және бейне ағындарды өңдеу компьютерлік көру және жасанды интеллект технологияларын қолдану арқылы жүзеге асырылады. Яғни, объектіде камералар бар болса, олар құрылыс алаңындағы техника мен жұмыс күшінің қозғалысын талдай алады, – деп түсіндірді Алтай Күздібаев.

Бүгінде орталық жергілікті атқарушы органдардың 485 нысаны туралы ақпаратты қамтиды, оның ішінде 138 салынып жатқан және 347 аяқталған. Сондай-ақ, Бәйтерек девелопмент тікелей қаржыландырудың аяқталған объектілері және тұрғын үй құрылысына кепілдік беру қорының кепілдік беру объектілері бойынша ақпарат бар.

Алдын ала бағалау бойынша әзірленген жүйе есепті дайындау үшін әкімдіктің бір қызметкерінің уақытын аптасына 16 сағаттан 6 сағатқа дейін қысқартуға мүмкіндік берді, ал Бәйтерек девелопмент қызметкеріне қажетті есептілікті тексеру және өңдеу үшін уақытты аптасына 16 сағаттан 1 сағатқа дейін үнемдеуге мүмкіндік берді. Жүйе сондай-ақ осы жұмысқа байланысты жылдық шығындарды 26 млн теңгеге төмендетті және қағаз тасығыштарды пайдалануды жоққа шығарды.

Сонымен қатар, ахуалдық орталықтың ағымдағы мүмкіндіктері мен ақпарат көлемін ескере отырып, келесі даму кезеңі ретінде оның базасында құрылыс материалдарының Маркетплейсін құру ұсынылады.

3

Біз “құрылыс материалдарының Маркетплейсі” концепциясын әзірлеп жатырмыз, ол өз платформасында делдалсыз тікелей тапсырыс берушілер мен жеткізушілерді біріктіреді. Сондай-ақ, белгіленген бағалар бойынша ұзақ мерзімді офтейк – келісімшарттар жүйесін енгізу бойынша жұмыс жүргізілуде, бұл үй құрылысы комбинаттарының, құрылыс материалдарын өндірушілердің жүктемесін қамтамасыз етуге және отандық өндірісті оқшаулау арқылы импорт алмастыруды жүргізуге мүмкіндік береді, – деп хабарлады өз кезегінде “Бәйтерек “ҰБХ” АҚ Басқарма төрағасының орынбасары Әнуар Омарходжаев.

Marketplace-тің негізгі идеясы елдің барлық құрылыс материалдарын өндірушілер өз өнімдері туралы ақпаратты орналастыра алады, ал құрылыс компаниялары қажетті материалдарды ең тиімді бағамен сатып ала алады. Сонымен қатар, Машиналық оқыту және жасанды интеллект технологияларын қолдану құрылыстың ағымдағы кезеңі мен көлеміне байланысты қажетті материалдар мен техниканы автоматты түрде таңдауға мүмкіндік береді. Осылайша, құрылыс компаниялары үшін логистиканы ескере отырып, локация бойынша нарықта үздік ұсыныс қалыптасады.

Өткен жыл ішінде құрылыс материалдары нарығына зерттеу жүргізілді, оған сәйкес кейбір материалдар бойынша импорттың үлесі жалпы қажеттіліктің 50% – дан астамын құрайды, мұндай платформа жергілікті қамту деңгейін арттыруға және тұрғын үй құрылысының өзіндік құнын төмендетуге мүмкіндік береді.





«Бәйтерек» холдингінің және оның еншілес ұйымдарының қызметкерлері желтоқсанда қалыптастырылған Президенттік кадрлық резервке енді.

Ұлттық комиссия өз отырысында сараптау комиссиясы ұсынған үміткерлерді қарастырып, 300 жас маманды іріктеп алды. Олар таяу және орта мерзімді келешекте мемлекеттік басқару жүйесіндегі жауапты аймақтарға жіберілетін болады.

Президенттің кадрлық резервіне енгендердің арасында «Бәйтерек» холдингінің үш қызметкері – Талдау және зерттеулер департаментінің бас менеджері Сырымбет Қаскеев, Жобалық қаржыландыру және МЖӘ департаментінің жоба жетекшісі Ернар Мыңжанов, Құқықтық қамтамасыз ету департаментінің бас менеджері Ернар Сүлейменов бар.

Сонымен қатар, «Бәйтерек девелопмент» акционерлік қоғамынан – Зерттеулер және стратегиялық даму дирекциясының бас менеджері  Спандиярхан Кульметов және Инвестициялық жобалар дирекциясының директоры Ержан Утюбаев; «Қазақстанның даму банкі» акционерлік қоғамынан –  Операциялық тәуекелдер басқармасының бастығы Ерболат Даданбаев, Кредиттік талдау және мәмілелерді құрылымдау департаментінің бас менеджері Жұлдыз Құнанбаева, Кредиттік талдау және мәмілелерді құрылымдау департаментінің бас менеджері Абылайхан Шаймарданов; «QazTech Ventures» акционерлік қоғамынан – Басқарма төрағасы Жандос Шаймарданов және Басқарма төрағасының орынбасары Медет Дүйсембаев; «Қазақстан ипотекалық компаниясы» акционерлік қоғамынан – бас маман Жарас Молдабаев және Директорлар кеңесінің мүшесі, тәуелсіз директор Дамир Сүйінтаев; сондай-ақ «Қазақстанның тұрығн үй құрылыс жинақ банкі» АҚ Қостанай облыстық филиалы директорының орынбасары Кирилл Гусев Президенттік кадрлық резервке енді.

– Президенттік кадрлық резерв – Мемлекет Басшысы Қасым-Жомарт Тоқаевтың тиімді менеджерлердің жаңа толқынын қалыптастыратын және елдің жаңа буыны үшін пәрменді әлеуметтік лифтілер жүйесін қалыптастыратын стратегиялық маңызды бастамасы. Үздік-300 құрамына «Бәйтерек» холдингінің және еншілес ұйымдарының 13 өкілі енді. Бұл біздің ұйымда кәсіби шеберлігі жоғары мамандар жұмыс істейтінін айғақтайды. Біз өз қызметкерлерімізді бағалаймыз, сондай-ақ ішкі ресурстарды дамыту үшін барынша әрекет етеміз және жас мамандардың дамуына жағдай жасаймыз. Қызметкерлеріміздің орташа жас мөлшері 36 жасты құрайды, – деп атап өтті, Холдингтің Басқарушы директоры Арман Шамшин.

Айта кетейік, 35 жасқа дейінгі 13 мың адам өтініш берген. Іріктеуге қатысу үшін өтінім берілгеннен кейін үміткерлер бірнеше дәйекті кезеңдерден өтті.

Бірінші кезең – қатысушылардан құжат қабылдау. Екінші кезең – үміткерлерді тестілеу. Тест үміткердің күрделі мәтіндік және сандық ақпаратпен жұмыс істеу қабілетін анықтауға бағытталған. Үшінші кезең – үміткерлердің көшбасшылық қасиеттерін, стратегиялық болжам жасай алу деңгейін, уәждемесі мен құндылықтарын бағалау. Бұл үшін үміткерлер эссе жазып, өздерінің әлеуметтік маңызды жобаларын таныстыруы тиіс болды. Төртінші кезең – Сараптамалық комиссияның үміткерлермен әңгімелесуі. Аталған кезеңге алдыңғы іріктеу кезеңдерінің нәтижесі бойынша жиынтық ұпайы жоғары болған қатысушылар жіберілді. Іріктеудің қорытынды кезеңі – қатысушылардың кандидатураларын Кадрлық резерв жөніндегі ұлттық комиссияда қарау болып табылды.





«Бәйтерек» Ұлттық басқарушы холдингі» АҚ Басқарма төрағасы Айдар Әріпханов ресми делегация құрамында Мемлекет басшылары Қасым-Жомарт Тоқаев пен Владимир Путиннің қатысуымен Қазақстан мен Ресей аймақаралық ынтымақтастығының XVI Форумына қатысты. Іс-шара ағымдағы жылдың 6-7 қарашасында Омбы қаласында өтті және шекаралық ынтымақтастықты дамытудың өзекті мәселелеріне арналды.

Форум инвестиция тарту, бизнес-байланыстарды орнату, сондай-ақ Қазақстанның экспорттық мүмкіндіктерін арттыру үшін тиімді алаңға айналды.

Осы іс-шара шеңберінде холдингтің компаниялар тобы отандық және ресейлік кәсіпорындармен ынтымақтастық туралы бірқатар құжаттарға қол қойды.

Осылайша, «KazakhExport» ЭСК» АҚ қазақстандық тауарлардың Ресей нарығына экспортын қолдауға бағытталған «KPS Steel» Сауда үйі (мұнай-газ саласы үшін жіксіз болат құбырлар өндіретін қазақстандық кәсіпорын) және «Контрол Лизинг» ЖШҚ (Ресей автолизинг компаниясы) компанияларымен келісімге қол қойды.

«Москоммерцбанк» КБ-мен (РФ-дағы Қазақстан Халық банкінің еншілес құрылымы) қол қойылған ынтымақтастық туралы келісім «KazakhExport» ЭСК» АҚ-ға «сауданы қаржыландыру» құралын іске асыруда тараптардың өзара іс-қимылын күшейтуге мүмкіндік береді.

«Даму» КДҚ» АҚ «Ресей шағын және орта кәсіпкерлікті қолдау Банкі» АҚ-мен ынтымақтастық туралы келісімге қол қойды. Қол жеткізілген келісімдердің арқасында тараптар қаржы-кепілдік және ақпараттық-маркетингтік қолдауды және тәжірибе алмасуды қоса алғанда, кәсіпкерлерді қолдау шараларын іске асыруда ынтымақтасуға ниетті.

Сонымен қатар, форум барысында «Даму» Қоры «Әйел кәсіпкерлігі креативті экономика өсуінің драйвері ретінде» атты панельдік сессиясының үйлестірушісі болды.

Естеріңізге сала кетейік, Қазақстан мен Ресей аймақаралық ынтымақтастық форумы 2003 жылдан бері өткізіліп келеді. Бұл диалог алаңы өзін экономикалық байланыстарды нығайтудың тиімді мемлекетаралық құралы ретінде көрсетті.





Түйісу сәтті жүзеге асырылды. «Сарыарқа» газ құбырының бірінші кезеңі аяқталды

«Бәйтерек» Ұлттық басқарушы холдингі» АҚ Басқарма төрағасы Айдар Әріпханов «Сарыарқа» магистральді газ құбырын салу кезіндегі құбырды дәнекерлеудің соңғы кезеңінің сәтті аяқталуына байланысты салтанатты рәсімге қатысты.

Бүгін Нұр-Сұлтан қаласының маңында құбырдың қоршалған учаскесінің жанында «ҚазҚұрылысСервис» жұмысшылары (жобаның бас мердігері) құбырлар арасындагі тігістерді дәнекерлерді. Бұдан кейін осы ауқымды жобаны іске асыруға қатысқан ұлттық компаниялар мен институттардың басшылары қалыптасқан дәстүр бойынша құбырдың бетіне қол қойды.

Салтанатты рәсімге сондай-ақ еншілес ұйымдардың басшылары – «Қазақстан Даму Банкі» АҚ Басқарма Төрағасы Абай Сарқұлов, «Қазына Капитал Менеджмент» АҚ Басқарма Төрағасының орынбасары Әсет Сағымбеков қатысты.

«Қараөзек (Қызылорда облысы) – Жезқазған – Қарағанды – Теміртау – Нұр-Сұлтан» бағыты бойынша «Сарыарқа» газ құбырын салу жобасын «Самұрық-Қазына» АҚ еншілес компаниясы және «Қазына Капитал Менеджмент» АҚ еншілес қоры болып табылатын «АстанаГаз ҚМГ» АҚ жүзеге асырады.

Жобаның жалпы құны 267,3 млрд теңгені құрайды, оның ішінде 80,3 млрд теңгені акционерлер тепе-тең негізде ұсынды, 187 млрд теңге «АстанаГаз ҚМГ» АҚ облигацияларын орналастыру арқылы тартылды. Сонымен қатар, 102 млрд теңге «Қазақстанның Даму Банкі» АҚ мен Еуразиялық даму банкінен жұмылдырылды.

Ірі индустриялық жобаларды қаржыландыратын ҚДБ классикалық қарыздар ғана емес, сонымен қатар облигацияларды сатып алу арқылы да қаржы ұсынады. ҚДБ газ құбырының құрылысына ағымдағы жылдың шілде айында 10 жыл мерзімге 51 млрд теңге көлемінде қаражат бөлді.

Естеріңізге сала кетейік, Жобаны іске асыру 2018 жылдың соңында Қазақстан Республикасының Тұңғыш Президенті – Елбасы Нұрсұлтан Назарбаевтың 2018 жылғы 5 наурыздағы «Президенттің бес әлеуметтік бастамасы» атты халыққа үндеуін іске асыру мақсатында басталды. Дәнекерлеу жұмыстары 2019 жылдың 21 наурызында басталды. Құрылыс 2019 жылдың соңында аяқталады деп күтілуде.

Газ құбырының құрылысымен халық саны 2,7 млн адамға дейін жететін 171 елді мекенді көгілдір отынмен кезең-кезеңмен қамтамасыз ету мүмкіндігі құрылуда.

– Бұл жобаның тек әлеуметтік бағыттылығы ғана емес, сонымен қатар қоршаған ортаны қорғауға үлкен үлесі бар екенін атап өткім келеді. Себебі газ құбырының іске қосылуының арқасында ластаушы заттардың шығарындыларын 2024 жылға қарай жылына 6 мың тоннаға қысқартуға мүмкіндік туады. Бұдан басқа, біз Жоба жоспарлы қуатына шыққан кезде, ел бюджеті жыл сайын екі миллиард теңгеге жуық салық түсімін алатын болады деп күтеміз, – деді Айдар Әріпханов.

Енді елорда тұрғындарының үйлеріне көгілдір отынды жеткізумен қалалық әкімдік айналысады.

Айта кетейік, «Бәйтерек» холдингінің инвестициялары есебінен 2015-2018 жылдары «Қазақстанның Даму Банкі» АҚ еншілес ұйымы арқылы өңірлерді газдандыру бойынша төрт жоба қаржыландырылды. «Сарыарқа» газ құбырынан басқа ол Тараз қаласында, Оңтүстік Қазақстан және Ақтөбе облыстарында газ тарату желілерін жаңғырту, сондай-ақ Қызылорда облысының бес елді мекенін газдандыру сияқты жобаларды қамтиды.

 





ҚР Премьер-Министрі Асқар Маминнің төрағалығымен өткен «Бәйтерек» ұлттық басқарма холдингі» АҚ директорлар кеңесінің отырысында холдингтің инвестициялық саясатының талаптарын орындау мәселесі қаралды, деп хабарлайды ҚР Премьер-Министрінің баспасөз қызметі.

2018 жылы «Бәйтерек» ҰБХ» АҚ-ның еншілес компаниялары экономиканың шикізаттық емес салаларындағы кәсіпорындарға 715,2 млрд тг көлемінде қолдау көрсетті. Алдыңғы жылмен салыстырғанда қаржылық қолдау көлемі 14%-ға (89 млрд тг) өсті.

Экономиканың жеке секторын дамыту мақсатында квазимемлекеттік сектор субъектілеріне немесе олармен үлестес заңды тұлғаларға қатысы жоқ 3590 компания мен ұйымға 541 млрд теңге көлемінде қолдау көрсетілді.

Экспортқа бағытталған өндірісті қолдау шараларының арқасында 2018 жылы кәсіпорындардың экспорт көлемі 750 млрд теңгеден асты, бұл өткен жылмен салыстырғанда 5,1%-ға (36,8 млрд тг) артық.

2018 жылы «Бәйтерек» ҰБХ» АҚ индустриалды-инновациялық қызмет субъектілеріне жалпы сомасы 4,7 млрд теңгеге 18 грант берді. Салыстыру үшін — 2017 жылы жалпы құны 1,7 млрд теңге болатын инновациялық гранттар беру туралы 9 келісім жасалды.

Өткен жылы холдинг бизнес-инкубаторларға шығындарын бірлесіп қаржыландыру түрінде қаржылық қолдау көрсетті, сонымен қатар, инновациялық қызметті кеңінен дәріптеу бойынша жұмыстар жүргізді.

Отырыста «Бәйтерек» ҰБХ» АҚ-ның 2019 жылдың екінші тоқсанындағы тәуекелдері туралы есеп, сондай-ақ, холдингтің Ішкі аудит қызметі қызметкерлерінің 2019 жылдың бірінші және екінші тоқсандарындағы қызметінің қорытынды нәтижелілігі туралы есеп бекітілді.