Холдинг жаңалықтары

«Бәйтерек» ұлттық басқарушы холдингі» АҚ Басқармасының төрағасы Ерболат Досаев Сочиде Ресейлік инвестициялық форумға қатысып, оның барысында реми тұлғалармен және ресейлік бизнес-құрылым басшыларымен бірқатар кездесулер өткізді.

Ерболат Досаев Татарстан Республикасының Президенті Рустам Миннихановпен, Экономикалық даму министрі Максим Орешкинмен және Ресей Федерациясының Үкіметі Аппараты басшысының орынбасары Андрей Слепневпен кездесіп, олармен екіжақты сауда-инвестициялық ынтымақтастығының күн тәртібі талқыланды.

«Бәйтерек» Холдингінің басшысы Ерболат Досаев Челябинск облысының губернаторы Борис Дубровскиймен, Оренбург облысының Губернаторы Юрий Бергпен және Омбы облысының Губернаторы Виктор Назаровпен шекаралық сауда-инвестициялық ынтымақтастық мәселелерін талқылады.

Іскерлер арасында Ерболат Досаев Ресей экспорттық орталығының бас директоры Петр Фрадковпен, «Газпромбанк» АҚ вице-президенті Сергей Некрасовпен, «РФ Жинақ банкі» Басқармасының Президент-төрағасы Герман Грефпен және Еуразия даму банкі Басқарманың төрағасы Дмитрий Панкинмен кездесті.

Форумның екі күндік қорытындысын шығара келе, Холдинг басшысы «Бәйтерек» холдингісімен ынтымақтастықты дамыту, ресейлік жетекші қаржы ұйымдарымен және даму институттарымен тәжірибе және алдыңғы қатарлы банктік технологиялармен алмасу екі елдің сауда-экономиалық байланыстарын одан әрі нығайтуға және инвестицияларын арттыруға ықпал ететін болады», – деді.





27 ақпанда Қазақстан Республикасының премьер-министрімен келісім бойынша «Бәйтерек» ұлттық басқарушы холдингі» АҚ Басқармасының шешімімен Абай Сарқұлов «Даму» кәсіпкерлікті дамыту қоры» АҚ-ның Басқарма төрағасы болып тағайындалды.

Абай Сарқұловтың қаржы саласында 13 жылдық жұмыс тәжірибесі бар. «Бәйтерек» холдингі компаниясының тобында 2008 жылдан қызмет етуде. Еңбек жолын инфрақұрылымдық жобаларға кредит беруді басқару менеджерінен бастаған ол соңғы уақытта «Қазақстанның даму банкі» АҚ Басқарма Төрағасының орынбасары лауазымын атқарған. Қ.Жұбанов атындағы Ақтөбе Мемлекеттік университетін аяқтаған. «Бәйтерек» холдингісінің еншілес ұйымы «Даму» кәсіпкерлікті дамыту қоры» АҚ-ның миссиясы қаржы институттарының ауқымды спекторын және бизнесті дамыту бағдарламаларын қамтитын кешенді қолдау арқылы Қазақстанның шағын және орта бизнесін сапалы дамытуға ықпал ету болып табылады.

Дереккөзі: Kaz.tengrinews.kz





«Бәйтерек» ұлттық басқарушы холдингі» АҚ Басқарма төрағасы Ерболат Досаев Мемлекет басшысы Жолдауының негізгі ережелерін түсіндіру жөніндегі республикалық ақпараттық топ құрамында Ақтөбе облысында болды.

Холдинг басшысы Ақтөбе облысының әкімі Бердібек Сапарбаевтың халықпен есептік кездесуіне қатысты, сондай-ақ мемлекеттік-жеке әріптестік шарттарымен құрылысы салынып жатқан офтальмология ауруханасы мен салтанат сарайын, және «Нұрлы жол» инфрақұрылымдық даму мемлекеттік бағдарламасы шеңберінде Холдингтің еншілес ұйымы «Бәйтерек Девелопмент» АҚ құрылысын салып жатқан 180 пәтерлік тұрғын үйді тексерді.

Ақтөбе облысының тұрғындарымен және кәсіпкерлерімен кездесу барысында Ерболат Досаев Жолдауды іске асыру ақтөбеліктердің өмір сүру деңгейлеріне қалай әсерін тигізетіндігін сөз етті.

Баспанаға деген сұраныстың өсуін «Нұрлы жер» тұрғын үй бағдарламасы шеңберінде қанағаттандыру жоспарланып отыр. «Ақтөбеліктер басқа өңірлердегі тұрғындар сияқты 10 %-дан аспайтын мөлшерлеме бойынша «жеңілдік» ипотекасын қолдана алады», – деді Ерболат Досаев. Холдинг басшысы «құрылыс компанияларына пайыздық мөлшерлемені субсидиялау түріндегі мемлекеттік қолдау көрсетілетіндігін, бұл ретте салынған тұрғын үйлердің жартысы өңірдегі экономикалық жағынан белсенді халықтың 14,7%-ын құрап отырған Тұрғын үй құрылыс жинақ банкінің салымшыларына сатылатындығын айтты.

Бұған қоса, ағымдағы жылы Ақтөбеде бірыңғай сәулеттік стильде Нұр-Ақтөбе шағын ауданында жеке тұрғын үй құрылысын салу жоспарланып отыр. Үйқұрылысы комбинаттарының технологияларын қолдану арқасында 1 шаршы метрдің құны 120 мың теңгеден аспайды. «Пилоттық жобаға қатысушы кезекте тұрған адамдар жер учаскесі бар және инженерлік коммуникациялар өткізілген дайын үйді өз беттерімен сатып алу не Тұрғын үй құрылыс жинақ банкінде төмендетілген пайыздық мөлшерлемемен қарыз алу мүмкіндігіне ие», -деді Ерболат Досаев.

Өңірдегі бизнесті дамытудың перспективалары жайында айта келе, Ерболат Досаев өңірде микрокредиттеуді ынталандыруға және бизнес негіздеріне оқытуға бағытталған еселі жұмыс пен жаппай кәсіпкерлікті дамыту бағдарламасын іске асыру басталғанына тоқталды.

2017 жылы «Бәйтерек» холдингі еншілес ұйым «Даму» кәсіпкерлікті дамыту қоры» АҚ арқылы сыйақы мөлшерлемесін субсидиялау және кредиттерді кепілдендіру арқылы ШОБ жобаларына қолдау көрсететін болады.

Бұған қоса, Ақтөбе облысының әкімдігімен бірлесе отырып, жылдық 8,5%-дан аспайтын мөлшерлеме бойынша кәсіпкерлерді қаржыландыруға 1 млрд.теңге бөлінеді, оның ішінде 300 млн.теңге жас кәсіпкерлерді қолдауға, 700 млн.теңге салалық шектеулерсіз аудандарда кәсіпкерлерді қолдауға бөлінеді.





«Байтерек «УБХ» АҚ, 20 ақпан. «Бәйтерек» ұлттық басқарушы холдингі» АҚ Басқармасының шешімімен Асқар Достияров «Қазына Капитал Менеджмент» АҚ Басқармасының төрағасы болып тағайындалды.

Асқар Достияровтың шетелдік инвесторларды тартуын қоса алғанда, қаржы саласындағы 16 жылдық жұмыс өтілі бар.

«Бәйтерек» ұлттық басқарушы холдингі» АҚ компаниясының тобында Асқар Достияров 2013 жылдан қызмет етуде. «Қазақстанның даму банкі» АҚ Басқарма төрағасының орынбасары, Басқарма төрағасының бірінші орынбасары, «Бәйтерек» холдингі Басқармасының мүшесі Басқарушы директор лауазымдарын атқарған.

Асқар Достияров әл-Фараби атындағы Қазақ Мемлекеттік ұлттық университеті, School of Business, the George Washington University (MBA) оқу орындарын аяқтаған.

«Қазына Капитал Менеджмент» АҚ «Бәйтерек» холдингінің еншілес ұйымы тікелей инвестициялар қорының қоры. Қазақстанда privat equity тиімді нарығын дамыту және активтерді басқарудың үздік әлемдік практикасын енгізу мақсатында құрылған.





«Байтерек «УБХ» АҚ, 8 ақпан.  Бүгін «Бәйтерек» ұлттық басқарушы холдингі» АҚ-да Қазақстан Республикасы Парламенті Мәжілісінің депутаты Павел Казанцевпен Қазақстан Республикасының Президенті Нұрсұлтан Назарбаевтың Жолдауын түсіндіру бойынша кездесу болып өтті.

Кездесу барысында Павел Казанцев Мемлекет басшысының «Қазақстанның Үшінші жаңғыруы: жаһандық бәсекеге қабілеттілік» Жолдауының бірегейлігіне тоқталды. Парламент депутаты құжаттың ауқымдылығы Президенттің осы жылы таңдап алған жариялау нысанына байланысты деп атап өтті.

Павел Казанцев «Бәйтерек» холдингі «Мемлекет басшысы алға қойған міндеттерді орындауда негізгілердің бірі» әрі «Нұрлы жер» тұрғын үй бағдарламасының операторы болып табылатындығын айтты. Елбасының тапсырмасы бойынша құрылыс секторы отандық экономиканың толыққанды драйвері болуы керек, ал «Нұрлы жер» бағдарламасы маңызды міндет – жақын арадағы 15 жылда 1,5 миллион отбасын тұрғын үймен қамтамасыз етуі тиіс.

«Нұрлы Жер» бағдарламасында тұрғын үй нарығын дамытудың кешенді шаралары: Холдингтің еншілес ұйымы «Даму» кәсіпкерлікті дамыту қоры» АҚ арқылы мемлекеттің субсидия беруі есебінен құрылыс салушылар үшін қарыздарды арзандату көзделген. Холдингтің еншілес ұйымы «Қазақстанның ипотекалық компаниясы» АҚ арқылы банктер беретін ипотекалық кредиттерге субсидиялау жүргізіледі. Холдингтің еншілес ұйымы «Қазақстанның тұрғын үй құрылыс жинақ банкі» АҚ салымшылары үшін әкімдіктер кредиттік тұрғын үй салуды жалғастырады.



123