«Нұрлы жер» бағдарламасы

Қазақстан Республикасы Үкіметінің 2018 жылғы 22 маусымдағы №372 қаулысымен «Нұрлы жер» мемлекеттік тұрғын үй құрылысы бағдарламасы (бұдан әрі – бағдарлама) бекітілді, ол тұрғын үй құрылысын қолдаудың жаңа тетіктерін біріктірген және бұрын қабылданған мемлекеттік және салалық бағдарламалар: 2015-2019 жылдарға арналған «Нұрлы жол» инфрақұрылымдық дамытудың мемлекеттік бағдарламасы, Өңірлерді дамытудың 2020 жылға дейінгі бағдарламасы бойынша әрекет етеді.

Бағдарламаның мақсаты халық үшін тұрғын үйдің қолжетімділігін арттыру болып табылады

Осы мақсатқа қол жеткізу үшін «Бәйтерек» ҰБХ» АҚ «Нұрлы жер» мемлекеттік бағдарламасы шеңберінде бірыңғай оператор болып табылады және бағдарламаның келесідей негізгі бағыттарын іске асыруға қатысады:

1) ЖАО облигацияларын сатып алу тетігі арқылы ЖАО несиелік тұрғын үй салуды қаржыландыру;

2) ипотекалық несиелендірудің қолжетімділігін арттыру;

3) жеке құрылыс салушылардың құрылысын ынталандыру;

4) бұрын қабылданған бағдарламалар шеңберінде тұрғын үй құрылысын аяқтау (Нұрлы жол, ӨДБ-2020);

5) үлестік тұрғын үй құрылысын қолдау.