Директорлар кеңесі

uskenbaev

Өскенбаев Қайырбек Айтбайұлы
«Бәйтерек девелопмент» АҚ Директорлар кеңесінің Төрағасы

1964 жылғы 24 қазанда Целиноград қаласында өмірге келген.

1986 жылы КСРО Ішкі істер министрлігінің Қарағанды жоғары мектебін «Құқықтану» мамандығы бойынша бітірді. 1996 жылы С. Сейфуллин атындағы Ақмола Аграрлық университетін «экономист-менеджер» мамандығы бойынша бітірді. 2004 жылы Гумилев атындағы Еуразиялық ұлттық университеттің Дипломатиялық академиясын «Халықаралық қатынастар» мамандығы бойынша бітірді. 2005 жылы Мемлекеттік бағдарлама бойынша АҚШ-тың Йель университетінде оқыды, экономика ғылымдарының кандидаты ғылыми дәрежесі бар.

Өзінің еңбек қызметін Қ.А. Өскенбаев 1982 жылы Ленин Аудандық ішкі істер басқармасының тергеушісі болып бастады, бұдан кейін Целиноград облыстық атқару комитетінің Ішкі істер басқармасының тергеу бөлімі бастығының орынбасары болды. Ақмола қалалық әкімшілігінде коммуналдық меншік бөлімінің меңгерушісі болып еңбек етті. Ақмола аумақтық мемлекеттік мүлік жөніндегі комитетінде, Ақмола облысының жекешелендіру комитетінде, «Коммуналдық меншік қоры» мемлекеттік коммуналдық кәсіпорнында басқарушы қызметтерді атқарған жұмыс тәжірибесі бар. Ақмола аумақтық мемлекеттік мүлікті басқару комитетінің Төрағасы, Ақмола қаласының аумақтық мемлекеттік мүлік және жекешелендіру комитетінің Төрағасы, ҚР Индустрия және сауда министрлігінің Сауда және туристік қызметті реттеу комитетінің Төрағасы, сондай-ақ ҚР Туризм және спорт министрлігінің Туризм индустриясы комитетінің Төрағасы қызметін атқарды. 2007 жылы ҚР Туризм және спорт вице-министрі болып тағайындалды. 2013 жылы ҚР Өңірлік даму министрінің Бірінші орынбасары лауазымын атқарды. 2014 жылы ҚР Ұлттық экономика министрінің орынбасары болып тағайындалды. «Астана-финанс» АҚ Директорлар кеңесінің мүшесі, Астана қаласы мәслихатының депутаты болды. «Астана», «Қазақстан Республикасының тәуелсіздігіне 10 жыл» медальдары бар.

2016 жылғы маусымда «Бәйтерек девелопмент» АҚ Директорлар кеңесінің төрағасы болып сайланды.


Таджияков Галымжан Бисенгалиевич
«Бәйтерек девелопмент» АҚ Директорлар кеңесінің мүшесі

1982 жылғы 19 маусымда өмірге келген.

Қазақстан және Ұлыбритания оқу орындарын -Қазақтың Мемлекеттік  Басқару Академиясын (халықаралық экономист) және Дарема Университетінің Бизнес мектебін (МВА) үздік бітірген.

Халықаралық инвестиция тарту бойынша жобаларды жүйелеу мен ұйымдастыру ,сонымен қатар, ұзақ мерзімдік жобалық (инвестициялық) қаржылауды жүзеге асыруда жемісті тәжірибесі бар.

Әр жылдары Еуразиялық банкте басқарушы директор, «Қазақстанның Сити банкі» АҚ кіші Вице-президент, сонымен қатар, «Қазақстан HSBC Банкі» АҚ әр түрлі позицияда, «Kaspi Bank» АҚ Қаржы Институтын басқармасының басшысы қызметтерін атқарды.

2016 жылдың  маусымында Г.Таджияков «Бәйтерек» Ұлттық басқарушы холдингіне» басқарушы директор болып тағайындалды. Корпоративтік және жобалық қаржыландыру мәселелеріне жетекшілік етеді.

2017 жылдың  ақпанында «Бәйтерек девелопмент» АҚ Директорлар кеңесінің мүшесі болып сайланды.


nurkatov

Нұрқатов Арнұр Арыстанұлы
«Бәйтерек девелопмент» АҚ Директорлар кеңесінің мүшесі  — Тәуелсіз директор

1967 жылғы 20 қазанда өмірге келген.

1990 жылы Алматы халық шаруашылығы институтын «Бухгалтерлік есеп және шаруашылық қызметін талдау» мамандығы бойынша бітірді.

2004 жылы АССА-да Іскерлік әкімшілдендіру шебері атағын алды.

2009 жылы Ресей Федерациясының Үкіметі жанындағы Қаржы Академиясын «Бухгалтерлік есеп және шаруашылық қызметін талдау» мамандығы бойынша бітірді.

2009 жылы Халықаралық Бизнес Академиясында «Қаржыны басқару» бағдарламасы бойынша MBA дәрежесін алды.

Өзінің еңбек қызметін А.А. Нұрқатов 1990 жылы «Алтай» ШК-да бухгалтер болып бастады. «Алтай» ШК-да, «Баян-Ауыл» Халықаралық биржалық сауда үйі» АҚ-да басқарушы лауазымдарды атқарды. 2015 жылғы наурызда «Қазақтелеком» АҚ еншілес ұйымы «КТ Cloud Lab» ЖШС-нің Бас директоры болып тағайындалды.

2013 жылғы тамызда «Бәйтерек девелопмент» АҚ Директорлар кеңесінің мүшесі болып сайланды.


aimbetov

Айымбетов Сейітсұлтан Сүлейменұлы
«Бәйтерек девелопмент» АҚ Директорлар кеңесінің мүшесі  — Тәуелсіз директор

1947 жылғы 15 шілдеде Қызылорда облысында дүниеге келген.

1969 жылы Алматы халық шаруашылығы институтын «Қаржы және кредит» мамандығы бойынша бітірді.

Өзінің еңбек қызметін С.С. Айымбетов 1969 жылы бақылаушы-ревизор болып бастады, 1971 жылы аға бақылаушы-ревизор, бас бақылаушы-ревизор, бұдан кейін жергілікті бюджеттер және бюджеттік ұйымдар ревизиясы бөлімінің бастығы және ҚазКСР Қаржы министрлігі Бақылау-ревизиялық басқармасында бастықтың орынбасары болды. ҚР Министрлер Кабинеті жанындағы Мемлекеттік қаржылық бақылау комитетінде, ҚР Мемлекеттік қаржылық бақылау комитетінде Төраға жұмысын атқарудың үлкен тәжірибесі бар. 1995 жылы ҚР Халықты әлеуметтік қорғау министрі болып тағайындалды, 1996 жылы ҚР Еңбек және халықты әлеуметтік қорғау министрінің Бірінші орынбасары болып жұмыс істеді. «Қазақстан аудит» Акционерлік компаниясы президентінің кеңесшісі, ҚР Президенті Әкімшілігінің Ұйымдастыру-бақылау бөлімінің бас инспекторы, Премьер-Министр кеңсесі басшысының орынбасары ретінде жұмыс тәжірибесі бар. 2002 жылы С.С. Айымбетов ҚР Әділет вице-министрі болып тағайындалды. Сонымен қатар ұзақ жылдар бойы ҚР Президенті Әкімшілігі Ұйымдастыру-бақылау бөлімінің мемлекеттік инспекторы болып еңбек етті. ҚР Парламенті Мәжілісінің IV шақырылымының депутаты,  IV және V шақырылымдарының депутаты – ҚР Парламенті Мәжілісінің Экономикалық реформа және өңірлік даму жөніндегі комитетінің төрағасы болды. 2016 жылғы қаңтардан бері «ҚазТКШОрталығы» АҚ Директорлар кеңесінің Төрағасы болып табылады.
«Құрмет» және «Парасат» ордендерінің, сондай-ақ ЕурАзЭС ПАА Құрмет грамотасының (2011) иегері.

2016 жылғы маусымда «Бәйтерек девелопмент» АҚ Директорлар кеңесінің Мүшесі – Тәуелсіз директоры болып сайланды.


kusdibaev_a_s

Худайбергенов Мурат Энвербекович

«Бәйтерек девелопмент» АҚ Директорлар кеңесінің мүшесі

1961 жылғы 7 сәуірде Алматы қаласында өмірге келген.

1986 жылы Алматы халық шаруашылығы университетін «Экономист» мамандығы бойынша бітірді.

М.Ә. Құдайбергенов КСР ҚазГидрометте, «Алком» фирмасында, «Талғарспирт» АҚ-да, «Акцепт» ЖШС-де және «Адани» ЖШС-де басқарушы лауазымдар атқарған үлкен жұмыс тәжірибесі бар. 1998 жылы ҚР Қаржы министрлігі жанындағы алкоголь өнімдерінің өндірісін және айналымын мемлекеттік бақылау комитетінің төрағасы лауазымын атқарды. Сонымен қатар «Нұрсұлтан Назарбаевтың Білім қоры» ҚҚ Директорының бірінші орынбасары, кейіннен Директордың кеңесшісі болып еңбек етті. «ҚБТУ» АҚ Директорлар кеңесінің мүшесі болды.

2016 жылғы тамызда «Бәйтерек девелопмент» АҚ Басқарма төрағасы болып тағайындалды.


«Бәйтерек девелопмент» акционерлік қоғамы Директорлар кеңесінің қызметін бағалау туралы ереже.